Россетий болхлоша Наьсарен-Шахьара дешархошта лаьрхӀа кхерамзлен урок елар
«Къилбаседа Кавказа Россетий» - «Ингушэнергос» дӀайихьар Наьсарен- Шахьара №15 йолча ишколе электрокхерамзлен урок. Цунга ладувгӏаш хилар кхоалагӀча класса 25 бер.
Энергетикаша берашта хьалхаяьхар керттера бокъонаш, ток йолча моттигашта юхе хила йиш йоацилга, мишта хила веза ток йолча моттигашта юхе нийсвелча, малагӀа бокъонаш лелае еза дийцар.
Берашта иштта яйзар «Россетий» компане тоабан лаьрххӀа йола «ВКонтакте» яха проект. Урок йистеяьнначул тӀехьагӀа, берригача дешархошта тематически материалаш тӀайола гулламаш делар: дӏаязъяь урокаш, басараш, брошюраш.
«Токацара хьал леладеча хана, лоралуш хила веза, лаьрххӀа йола бокъонаш лелае еза. Цудухьа цу тайпара болх дӀахьу оаха», - аьлар «Ингушэнерго» филиала кулгалхочо Котаганаькъан Кимрана.
Хьехам бу кхетаченаш дӀахьош я «Ингушэнерго» филиала говзанчаша «Россетий» компанена чудоагӏача дерригача даькъ тӀа. Цун чудоагӀаш да тематически урокаш, конкурсаш, викторинаш, экскурсеш дӀаяхьар, иштта дешара моттигашта юхера тока саьргаш малагӀча хьале да хар.
