Бокъо йоацаш тока саьргех дӏахоттабеннарий ток дӏахоадае, арабаргба Россетий болхлой Эбарга-Юрта укх бетта 27 дийнахьа
24.04.2026 16:58
«Къилбаседа Кавказа Россетий - «Ингушэнерго» болхлой бокъо йоацаш ток йоаерашта духьала рейд дӏаяхьа арабаргба.
Бекарга бетта 27-ча дийнахьа Эбарга-Юрта дӏахьоргба из болх. Бокъо йоацаш токах дӏахоттабеннарашка из хӏама боаггӏача боараме бокъонгахьа даккхар дех Россета къахьегамхоша, нагахьа шоашта ток дӏахоадаяр ца дезе.
Цу оагӏонца оттаяь чӏоагӏо йоацаш, ток йоаяр ӏаьдала бокъо йохаеш да. Цу гӏулакхо лерттӏа болх хьабайтац наьха цӏагӏарча токацарча гӏирсашка, дукха кхоачамбоацараш хул, цӏераш ювлаш нийслу.
Хӏаьта эггара кхерамегӏдар – хатар хинна, саг валар да. Республикерча массайолча шахьарашка, юрташка дӏахьоргья рейдаш.
