Тока моттигашка чуахар дийхка долга хьалхадоах Россеташа
Тока моттигий доазон чуааха, цхьаккха хӀамах кулг тоха йиш йоацилга хьалхадоах бахархошта «Россеташ Къилбаседа Кавказ»- «Ингушэнерго» оагӀон болхлоша.
Трансформатораш латта подстанцеш, тока саьргаш, ток дӀа-хьа луш йола моттигаш кхераме лоархӀаш я. Цхьанне а бокъо яц цу моттигашта гаргааха, цигарча гӀирсех кулгаш детта, хӀана аьлча сага ве, лозаве тарлу цар, тока гӀирсех кулгаш деттаро цу оагӀонцара беррига болх кегабу. Цул совгӀа, бокъо йоацаш тока моттигашта тӀаваха, цига кулгаш детташ ваьллар Ӏаьдало, доккха зулам дича санна, бехктокхаме озаргва.
Нагахьа, цхьа тешам боаца хӀама шоашта тока моттигашта юхе хоаделча, ма хулла сихагӀа телефон тоха укх номерах: 8 800 220 0 220 (24 сахьата, мах боацаш, телефон техар къайлахьош), е Ӏаьдала болхлошка дӀаала.
