«Къилбаседа Кавказа Россеташа» Гӏалгӏайченна ток лоаттаяр тешшаме ӏалашду
«Къилбаседа Кавказ Россетий»- «Ингушэнергой» 110 кВ ток хьаоза (ЛЭП) электрически гӏирс тоабаь баьлар.
Из тока гӏишло ворхӏ юртага кхоачаш я: Наьсарен-Шахьара цхьа дакъа, Илдарха-гӏала, Пхьилекъонгий-Юрт, Эбарга-Юрт, Яндаре, Бурокӏалхе, Гӏаьзе-Ков.
Энергетикаша хийцар тока саьргаш вӏашагӏхьекхалуш хургдоацаш 43 «пела»: тока гӏирс ха дӏа мел йода тишлу, из бахьан долаш тока саьргаш шоайла вӏашагӏхьекхалуш а, цох уж лоталуш а моттиг хул, цудухьа из хьал хьалххе а юстардаккхара беш ба из болх. Из доацаш а, говзанчаша ши километр къаьнара тока саьрг хийцар, шоаш тока гӏирсаш тоадара болх дӏахьоча хана, ши гектар тока объект лораеча моттигера баьцаш, кӏотаргаш дӏаяьхар.
«Тха балха лоархӏаме декхар да, тока гӏирсаш латтача, уж лорадеш долча моттигашта юхера баьцаш, йоархӏаш, гаьнаш дӏаяхар, из моттиг цӏена лелаяр. Говзанчаша цига тӏаяьнна баьцаш кхыметтел кулгашца а дӏаяьхар, цхьаяраш лаьрххӏача техникаца дӏаяха езаш а хулар. Уж балхаш дӏадахьаро таро лу дӏахо гӏулакх дара тока гӏирсаш мукъадаха, цига паргӏатта тӏаваха»,- аьлар «Ингушэнерго» филиала кулгалхочо Котаганаькъан Кимрана.
Технически болх беш, энергетикаша дӏадахьийтар ах миллион совгӏа ахча.
Белгалду, карарча шера ӏаьржача хишта духьалара болх дӏахьош, 350 метр бӏаьха тока саьрг дехьабаьккхар Шолжа хина. Из болх шин даькъа бийкъар. Цкъа хьалхагӏа энергетикаша лаьрххӏа йола техника цу моттига тӏаяха никъ кийчбир, цул тӏехьагӏа кӏийле йир, 250 метр тока саьрг бахийтар. Керда ЛЭП хьалха хиннача моттигал 50 метр гаьнаяьккха йир.
