«Илдарха-Гӏалий тIарча, Пхьилекъонгий-Юртарча бахархой токацара хьал тешшаме дергда
«Къилбаседа Кавказа Россеташ» – «Ингушэнерго цIенхашта тоаде йолаелар тока саьргаш (ЛЭП) 6 кВ. Из болх дӏабахьара дӏадохийтаргда 1,6 млн сом.
Из моттиг токаца ӏалашо еш я Илдарха-Гӏалий тIа, Пхьилекъонгий-Юрта мел бахача наха: 9,3 эзар сага, ялх вахара лоархӏамеча урхалленна. Цу юкъе я ши ишкол, берий беш.
Тока болхлоша хувцаргба 25 тишбенна бӏоагӏа, иштта пхи километр тока саьрг. Цига дӏадохийташ дола керда тока саьргаш (СИП) мух хьекхабар аьнна шоайла тувлалургдолаш а е хадаргдолаш а дац, иштта царна новкъа яц тӏоадал, шелал. Ший ханнахьа из тока саьрг дӏабахийтар бахьан долаш, таро лу дикал лакха йола ток лоаттае, наьха токацара кхерамзле лорае.
Из доацаш а, Илдарха-Гӏалан токацара хувцаргда 180 тишденна пелаш, царна меттел хургда керда Россе арахийца кердадараш.
Уж хувцаро таро лу тешшаме токацара хьал лораде, наьха токаца дувзаденна хьашташ кхоачашде.
Уж балхаш даь даргда, ер бутт чакхбоалаш.
Балхаш дӏахьош да «Ингушэнерго» филиало, 2026 шера энергомоттигаш тоаяра Программанна чудоагӏаш.
