4000 гаргга долча тока бӏоагӏех, бокъо йоацаш, бувзама саьргаш дӏатеcсалга гучадаьлар « Къилбаседа Кавказа Россеташта»
2026-гӏа шу доладелча денз, тока 3 971 бӏоагӏах бокъо йоацача тайпара дӏахоттабенна моттигаш гучаяьлар мехка (ВОЛС). Царех я Илдарха-Гӏала, Шолжа-Шахьар, Магӏалбик, Пхьилекъонгий-Юрт, Алхасте, Гӏажарий-Юрт. Цу гӏулакхах, лоткъам оттабаь, болх дӏахьош ба «Къилбаседа Кавказа Россеташ» - «Ингушэнерго» болхлой.
Бокъо йоацаш ЛЭП бӏоагӏех ВОЛС дӏахоттар тока моттига болх толхабеш да. Боаггӏача боараме ток дӏа-хьа йоаржаеш долча гӏулакха новкъарле еш да из.
Цул совгӏа, дӏахетта долча кабелашца болх бе оттар а кхераме, доккха хатар хила тарлуш да, хӏана аьлча тока моттигашка моллагӏа болх дӏахьораш деррига довзаш бола цу оагӏонцара говзанчаш хила беза.
Цунга хьежжа, чӏоагӏа лоравала везаш, моллагӏа болх бокъонца хила беззача тайпара дӏахьош хила беза. Моллагӏа хӏама довза йиш я 8-800-220-0-220 номерах телефон дӏатехача, иштта цу оагӏонцарча офисе, «Къилбаседа Кавказа Россаетий» керттерча сайта тӏара.
