Россеташа тока оагӀонцара тӀахьожам чӀоагӀбаьб, геттара чӀоагӀа йӀовхал оттарах
Къилбаседа Кавказерча моттигашка, Ставрополе геттара лакха йӀовхал эттай. Синоптикаша белгалдечох, иштта кхорзаденна денош кӀира латтаргда вайцига. + 42 градусага кхоачаш хила мег цхьацца йолча кхалешка.
«Къилбаседа Кавказа Россеташ» тока оагӀонцарча моттигашкара тӀахьожам чӀоагӀбеш я тахан. ЦӀерцарча кхерамзлен, ток лаьтта гӀолла дӀайохийташ долча, шелал лоаттаеча гӀирсий, даьттан насосий, радиаторий, иштта кхыйолча моттигий болх карарча хана малагӀча хьале латт хьежар болхлой. Иштта цар терко лоаттаю тока юхерча моттигашта. ЦӀаьхха, цӀи яьнна хатар хилча, де дезараш шаьрдеш бола болх дӀакхухьаш латт филиалашка, иштта нахага хоам барах болча оагӀон болх тоабаьб.
Геттара чӀоагӀа йӀовхал айеннача деноша токацарча моттигашта низ бу, наха шелал лоатторгаш хьалсагарах. Токаца дувзаденнарашта лакха терко е еза наха шоай фусамашка. Ток ца тоъаш болх хуле, филиале дехар чудала деза. Тока оагӀон болхлоша бахархошка кхайкарал ду, лоралуш хила, яхаш!
Ара Ӏимеца денош латтача хана, баьцех цӀераш ма етта, тока юхерча доазон тӀа нувхаш ма Ӏоае, подстанцешта юхе цӀераш летаеш ма дагӀа, цхьаккха тайпара болх ма лелабе тока гарга йолча моттиге. МоллагӀа кхоачамбоацараш нийсденна хӀама хуле, телефон тоха еза Россетий «даим болх беча номерах»- 8-800-220- 0-220, 220 - мобильни телефона тӀара (мах боацаш). Оператораш болх беш ба 24 сахьата.
