Бокъо йоацача тайпара ток чуйиллар гучадоаккхаш, болх дӏабихьар «Россеташа»
22.09.2025 09:38
Мехкарча 1177 ЛЭП моттигера бокъо йоацача тайпара ток чуйиллар гучадаьккхар «Къилбаседа Кавказа Россеташа».
Царна чуйоагӏача «Ингушэнерго» яхача оагӏонцарча болхлой тока моттигашта дӏатӏахоттавалар гучадоахаш, къахьегаш ба тахан мехка.
Укх бетта Наьсарен кхален 1177 тока саьргаш тӏара ток чуйиллар гучадаьлар бокъо йоацача тайпара. Бувзама оагӏон доал деча Интернет-провайдерца ВОЛС гӏулакх чакхдаккхара болх кийчбеш ба тахан.
Белгалде деза, тока бӏоагӏех кхыдола гӏирсаш дӏахоттаро цу оагӏонцара болх толхабелга, бокъо йоацаш из хӏама леладар кхераме, доккха хатар кхоллара кхерам болаш долга.
Тока бӏоагӏех кхыйола хӏамаш дӏахоттара гӏулакха мехка лакхара тӏахьожам лоаттабе лерхӏ дӏахо дӏайодача хана.
