31 шу хьалха хьайийллар, Лоаман кадетски корпус
31 шу хьалха ший наӀараш хьайийллар мехкарча кадетски корпусо, хьалхара хьаьший тӀаэцаш. Республикерча хьалхарча Президента Овшанаькъан Руслана чӀоагӀонца хьайийллар из моттиг цу хана.
Вай мехкадас Келаматанаькъан Махьмуд-Ӏаьлас белгалдир, кадетски корпус Суворовски училищена тара вӀашагӀъелла йолга; бехктокхаме декхараш боаггӀача боараме кхоачашделга эггара лоархӀаме хеташ цу чура болх дӀаболабаьлга. ТӀема никъ дӀахохьош ба цу чура арабаьнна дуккхабараш, тӀема училище деша оттарца. Кадетски корпусе дешар чакхдаккхарал совгӀа, тӀема гӀулакхаш Ӏомадеш къахьег цига.
«ДӀахохьоргдолча вахаре лоархӀамедараш къоастаде, Даьхен гӀулакха латта, боккхагӀбараш лархӀа; яхь, сий, эздел лорадеш вахара никъ дӀабахьа Ӏомабу цу чу, хӀаьта уж хӀамаш массахана вай къамах доахкаш, къаман юкъе лакха лоархӀаш хиннад», - аьлар вай Мехкадас.
