ГӀалгӀай къаман
юкъара газет

Кердадараш

ДIадувш дола фу миштад хьожаш хилар ГӀалгӀайчен РСЦ

Специалисты отделов семеноводства и защиты растений Филиала ФГБУ «Россельхозцентр» по Ингушетии осуществили выездное обследование семенных посевов озимых культур. По итогам их изучения и анализа полученная информация с указанием гепозиций семенных участков внесена в информационную систему «АгроСемЭксперт», информировал газету «Сердало» специалист по связям с общественностью Филиала ФГБУ «Россельхозцентр» по РИ Руслан Боков.

«Из болх дӀабихьабар республикан Шолжа, МагӀалбика районий боахамашка. Царех я «Нестеровски», «Алханчуртски», «Беркат», «Малгобекски», «Зори Кавказа» яха ГУПаш, «Даби-Юрт» яха СПК, «АМА» СПССК, «Гандалоев» оала КФХ», — йоах хьабайтача хоама тIа. Массехк дийнахьа мехка юртбоахама центра агрономаша 3 эзар гектара тӀа из болх дӀабихьар.

Цу тайпара болх Шолжа районе дӀахьош, 1649 гектар лаьттан тӀа ялхайтта моттиг белгалъяьй. Уж я гурахьа дӀаювш йола культураш: кIа, мукх, рапс оала буц. МагӀалбика районе тӀахьожам беш бола болх дӀабихьар 1298 гектара тӀа, цу тӀа дӀадийна ялат да кIа а гурахьа дӀабувш бола мукх а. Уж тӀадолча лаьтта 13 моттиг белгалъяьй моттигий таронаш йовзаш хиларах.

ГIулакх довзачар яхачох, гурахьа дӀадувш долча ялата хьал дика да, баьцовгӀаш ши-кхо лист йолаш дегӀайоагӀаш латт.

Хьал тохкаш болх дӀабихьача лаьтта белгалдаьд, дахкаша зе деш хилар а. Иштта белгалду, цхьадолча лаьтташ тIа 80-85 процентага кхоачаш биологически пайда хургболаш болх дӀабихьа хилар.

Агрономаша яхачох, лаьтташ кхы а тохкаш да, цу тӀа малагӀа зе хила тарлу хьожаш, нагахьа санна из зе совдоалаш хуле, цига из хургдоаца балхаш дӀадахьа деза.

ДӀадихьача балхашка хьежжа, ГӀалгӀайчен РСЦ юртбоахамашта хьалхадаьккхад де дезар.

БаьцовгӀаш дегӀайоагӀача хана, цар дегӀ дахьаргдолаш ший ханнахьа молхаш тоха еза, тӀаккха уж лерттӀа лакхлургья, хьувкъам а дикагӀа хургба.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде