ИнгГУ студенташта лекци йийшар цӀихезача российски социолога
![](http://serdalo.ru/storage/gz5JBfzTXL1qm6TJO60aMwWyjpt8SNEo6mV2E6CI.jpg)
ДегӀаахара хьал дувцаш, лекцеш йийшар ГӀалгӀай паччахьалкхен студенташта М. Ломоносова цӀерагӀча МГУ профессора, «Ромир» яхача тохкама холдинга президента Милехин Андрея.
Из лекци хетаяь яр Россе а дунен тӀа а нах дегӀаахара хьала.
«Милехин Андрея белгалдир; вай мехка хьалхашка латта декхар нах тӀерабоалаш латташ хилар юхатохар а уж дукхагӀа хилийтар а да, аьнна. Цо иштта аьлар, мехка культуран, исторен хьал лораде дезаш хиларах, цу юкъе дегӀадар а долаш.
Ӏилманхочо яхачох, Россе лаьрхӀар вӀашкадоагӀаш дац дегӀадара хьалаца дувзаденна хиларга диллача, кхыча гаьнарча мехкашкарча паччахьалкхений хьалашца. Хургдолчунга хьежача, го йиш я юкъара истори, дин Ӏадаташ лорадар лоархӀаме долга. Цо вӀашкаозаш хиннаб вай мохк бӀаьшерашка денз, цаӀ долча культуран дӀоагӀо санна», - аьлар «Сердало» газетага ГӀалгӀай паччахьалкхен университете.
ДегӀаахара хьал тоадар - Россе кулгалхой керттера декхар. Дезал хӀарман кӀийле я, из дика хиларах тийша да мехка хургдар. Из иштта хилийта гӀерташ, Россе Ӏаьдало шийна могар а ду.
Вай мехка лоархӀаме декхараш кхоачашду; нана, бер хьаллацара; тоаеш латт вахара таронаш; бераш дара, уж кхедара дола хьалаш вӀашагӀдохкаш да.