Юртарча вахархочунна 8 шу суд йир, наркотикаш бахьан долаш
13.03.2026 10:23
Заьзгакъонгий-Юрта вахача сага 8 шу набахта валла ха техар, бокъо йоацаш цо наркотикаш лелаярах, яхаш, дийцар «Сердало» газетага республикан тӀахьожама боахаме.
«ГӏалгӀай Республикан МагӀалбика-Шахьара суде техкар зуламца дувзаденна гӀулакх. 2024 шера бехк беча сага мефедрон яха наркотикаш Ӏалашйир шийна 0,49 грамм», - аьлар хоамо.
Цу сага наркотикаш ехкар 8 эзар сомах, наха зулам деш бола болх юхатохача, «къайлагӀа эцаш волча» ГӏалгӀай Республике гӀолла йолча МВД УНК болхлочунга. Наркотикаш йохкаш волча сага банка карта тӀа из ахча дӀадахьийтар.
Судо из деррига дӀа а лаьрхӀа, наркотикаш йохкаш хиннача сага 8 шу суд йир, кортамукъале йоацаш. Из лаьца воалл чӀоагӀача боарамах йолча набахта. Иштта цунгара телефон а хьаяьккхай.
