Берашта ахча хьожадеча хана, алименташ дӏалархӏарца юкъедоаладаьча хувцамех дийцар СФР
Пособеца, алименташца юкъедоаладаьча кердача хувцамех дийцар вай мехкарча пенсионни Ганза оагӏон болхлоша. Да-нана къаьстача, бера доагӏаш дола алименташ суде гӏолла къоастадаь боацарех хьокхалуш да уж хувцамаш.
Нагахьа санна судо баь соцам е суда амар дале, амма из кхоачашдеш бола болх чакхбаьккхабеце, дехар тӏа латташ дола ахча ше долчча тайпара хьатӏадоалаш да.
Хӏаьта судо баь cоцам боацаш, е суда амар доацаш моттиг яле, цаӏ дола пособи хьадолалуча алименташ хувцам болаш латт: цхьан бера доагӏар – 1/4 мехкарча юкъерча боарамга хьежжа долча алапех; шин бера – 1/3 мехкарча юкъерча боарама алапех; кхаь бера – 1/2.
Росстата белгалдечох, 2024-ча шера баьча къоастамах, вай мехкара юкъерча боарам тӏа латта номинальни алапи 40 587,60 сом да. 2026-ча шера аьтинга бетта 1-ча денга кхаччалца латтаргда из хьал иштта, дӏахо, 2025-ча шера баьча къоастамах дӏахьоргба из болх.
Алименташ судага гӏолла хьахьожадаьдале, пособех долча дехар тӏа латташ дола ахча да дезала къоастадер. Пособи хьахьожадеш да 12 бутт юкъелоацаш, цул тӏехьагӏа мехкарча МФЦ е СФР, Госуслуги яхача оагӏонга гӏолла керда дехар чудала деза бахархоша.
