Наькъашкара бокъонаш лорае езилга хьалхадоах дешархошта
Хьатӏадоагӏача ерача дийнахьа Гӏажарий-Юртарча №5 йолча ишколе кхетаче дӏахьош хургба къаман библиотекан лоархӏамеча хоамех болча оагӏон болхлой. Наькъашкара бокъонаш лораярах дувцаргда кхетаче.
«ӏаьдала болхлоша берашка дувцаргда наькъашкара бокъонаш лораеш цахиларо доаржадеча зуламех; 18 шерга кхачалехь, машина тӏа ховшарах хиннача хатарех. Берашца кхетаче дӏахьоргьяраш ба полице капитан, Россе МВД ОГИБДД Шолжа кхалерча МО кулгалхо Гатенаькъан ӏалаудин; полице подполковник, Россе МВД ОПДН Шолжа кхалерча МО кулгалхо Боканаькъан Руслан; полице майор, ОПДН инспектор Ганенаькъан Рукъет. Наькъашкарча бокъонех дола книжкаш дӏадекъаргда кхетаче», - дийцар «Сердалога» Къаман библиотеке.
Наькъашкарча бокъонех берашта хьалхадахар, цу оагӏонцара кхетаченаш дешара моттигашка дӏакхахьар лоархӏамеча гӏулакхех да тахан мехка. Библиотеке белгалдечох, дешархошта юкъе дикка пайда боаржабеш хул иштта болх лоаттабар.
