Наьсарен дешархоша Дунен шоллагӀа тӀом чакхбаьнна 80 шу дизар белгалдир
«Даьхен лорбой» ганза филиало аларах, Наьсарен-Шахьара №15 йолча юкъерча ишколе, кхетаче дӀайихьар, из хетаяь яр ШоллагӀа дунен тӀом чакхбаьнна 80 шу дизара, яхаш, дийцар «Сердало» газетага из болх вӀашагӀбеллараша.
«Дагалоаттама дийнахьа тӀема ветеранаша Бузуртанаькъан Аюпа, Далганаькъан Мухьмада кхайкарал дир гулбеннаршка, 1939-1945 шерашка лаьттача тӀемах дувцаш. Хьаьший цига баьхка хиларах, берашта дукха дайзар цу тӀемах лаьца, цар къамаьлага гӀолла духьалъэттар уж унзара денош, цу тӀемо нахага бена бала, гӀайгӀа. Бераша дика кхетадир малагӀа зе ду тӀемо; иштта денал гойташ лаьттача салтий,тахан вайна юкъе болаш болча бӀухой сий дир, уж дикача дешашца хьоахабеш. Дукха дика дешаш аьлар тӀема хана салташта новкъостал деш лаьттача кхалнахах», - йоах хоамо.
Из ха исторен тӀа эггара лоархӀамегӀа йола оагӀув санна йисар, дуне мел латтача хана кхы йицлургйоацаш. Вай укхаза гулденнад, цу унзарча тӀема мугӀарашка лаьтта салтий, цигара юха ца боагӀаш бисараш дагабоха, цар сий де, - аьлар «Даьхен лорбой» ганза филиала вахарцара бувзам лелабеча Беканаькъан Фатимас.
