«Кхераме йоаца чарх - 2024» яхача яхьашка дакъа лоацаш ба вай дешархой
«Кхераме йоаца чарх-2024» яхача ерригача Россе яхьашка дакъа лоацаш я ЖӀайрахьерча Лаьнанаькъан И. цӀерах йолча ишколера къонача инспекторий тоаба. Россе тайп-тайпарча мехкашкарча берашта юкъе дӀахьош йола яхьаш кӀира латтаргья. Республикерча яхьашка котало яьккхача вай дешархошта, аьттув белар федеральни яхьашка мохк дӀагойта.
«Екатеринбурге дӀахьоча яхьашка ялх оагӀонца шоай кхетама боарам гойтаргба дешархоша: наькъашкара бокъонаш йовзар, хьалхара гӀо де хар, автошахьар, велосипедаца лелар, наькъашка эггара чӀоагӀагӀа довза дезараш, «Цхьана наькъашкара кхерамзле лораяра тӀехьа» яхача кхоллама яхьашка дакъа лацар», - дийцар «Сердало» газетага дешареи Ӏилмани гӀулакхех йолча министерствос.
Наькъашкара кхерамзлен хьал лорадара тӀехьа, дӀакхухьаш я уж яхьаш хӀара шера.
