Кхерамзлен хьал лорадарах йолча кхетаче, дакъа лоацаш хилар Илдарха-ГӀалий тӀара дешархой
30.04.2025 09:38
Терроризм яхача зулама духьала дӀахьоча кийчон балха юкъе дакъа лоацаш хилар шахьарерча № 5 йолча ишкола дешархой. Из хоам «Сердалога» бир цу моттигера.
«Оттаяьча программах, зуламхоша дӀалаьцача эггара хьалха де дезар гойтар хьехархошта, берашта. Цул тӀехьагӀа, саг чувоацача гӀетташ лелача гӀирсо эккхаш йола хӀама чукхессача, фу де деза дӀахьекхар царга. Шоай гӀулакх дика чакхдаьккхар бераша, хьехархоша», - йоах тхога бенача хоамо.
Из болх дӀабихьараша белгалдечох, иштта йола кхетаченаш дӀакхахьар тахан лоархӀаме моттиг дӀалоацаш да.
