Наькъашкарча бокъонех дийцар Шолжа-Шахьарерча дешархошта
16.05.2025 09:10

Наькъашкарча кхерамзлен хьалах дувцаш, урок дӀайихьар Шолжа-Шахьарерча № 1 йолча ишколе. Дешархошца къамаьл даьраш бар Россе МВД ОГИБДД МО «Шолжа шахьар» яхача оагӀон кулгалхо, полице капитан Гатенаькъан Ӏалаудин, горсовета депутат Чибинаькъан Бахьаудин, иштта кхыбола хьаьший.
Берашта хьалхадаьккхар эггара хьалхарча оагӀонца наькъашка лораде дезараш малагӀаш да, наькъашкара бокъонаш лораяр хӀара сага вахаре лоархӀаме долга. Гатенаькъан Ӏалаудина берашта йовзийтар наькъашкара гӀармаш, наькъ тӀа моллагӀа хатар ийккхача, фу де деза дийцар.