Южнера 320 моттиг йола ишкол хьалъяь яргья хьатӀадоагӀача шера наджгоанцхой бетта
2025-ча шера наджгоанцхой бетта, хьалъяь яргья МагӀалбика кхален Южнера 320 моттиг йола №28 ишкол. Из хьалъяьй, хьалха къаьнаръяр хиннача даькъ тӀа. ГӏалгӀайчен Кулгалхо цига ваха хилар, дешара моттиг кийча йий хьажа, цо декхарийла бир цига къахьегараш, оагӀой бутт чакхбоалаш деррига ишкола балхаш йистедаьнна хилийта, аьнна.
Дешара гӀишлон чу 17 класс, библиотека, актови, спортивни залаш, стадион я. Уж ерригаш а, мебель чуоттаяь, хоза вӀаштӀехььяьннай.
« Кхозза вӀаштара яьча гӀишлон чу лифт я, кхача кийчбу моттиг я, столовера гӀирс хӀанз дӀаоттабеш латт. Кхыметтел, цӀаьхха хий доацаш бусе а аьнна, хий хьалургдола гӀулакх хьадаьд», - аьлар мехка Кулгалхочо.
Цул совгӀа, дешара моттиге трансформатор, доагора новкъосталца лелаеш йола подстанци я.
ГӏалгӀайчен Кулгалхочун зарбан болх лелабераша яхачох, Келаматанаькъан Махьмуд-Ӏаьлас дешара министерствонна хьалхашка декхар оттадир, деррига эшаш дола каьхаташ кийчде, ишкола кулгалхошта новкъостал де; хӀаьта моттигерча Ӏаьдала болхлошта гонахьара доазув баьццара дерзаде, аьнна.
