Лоаман ГӀалгӀайчен дешархошца, кхетаче хилар музея-заповедника болхлой
ЖӀайрахьа-Эса-ЧӀожерча музея-заповедника болхлоша, ЖӀайрахьа кхален Хьули яхача юртарча ишкола дешархошца, кхетам балара болх дӀабихьар. Кхетаче дӀаяхьара керттера декхар - кхувш йоагӀача вай тӀехьенна республикан деза хӀамаш, истори, культура йовзийтар.
Кхетаче дӀахьош, дешархошта довзийтар лоаман ГӀалгӀайчен тамашийна кхераца детта сийленгаш, иштта царна дийцар гӀалгӀай къаман исторе, культура лоархӀаме дакъа из хилар. Музея-заповедника болхлоша белгалдир, вай мах бола истори из хилара тарра, тӀехьа тӀайоагӀача тӀехьенна из дита дезаш хилар.
«ГӀалгӀай къаман бӀаьшерен ханашка вай даьша кхерах етта гӀалаш цӀена а лерхӀам болаш а лелае еза. Цига нийсвеннача сага цу сийленга тӀа ший йоазош дита йиш яц, «дагалоаттама» шийца лелае лаьрхӀа хӀама хьая а йиш яц цу даькъ тӀара», - аьлар дешархошка боккхагӀчар.
Бераша, хоза хеташ, ладийгӀар боккхагӀчар культуранна лоархӀамеча хӀамаех, къаьнарча гӀалех, кхыча гӀишлоех лаьца дийцача къамаьлага. Уж я ГӀалгӀайчен ерригача лоаман, ЖӀайрахьа кхаленна даькъ тӀа. Цу тайпара кхетаченаш дӀахьош хиларо вай кхувш йоагӀача тӀехьенна сакхетам совбоаккх, царна дикагӀа довз республикан истори, культура.
