Дола-Коарча дешархошца терроризм яхача зулама духьале лоаттаярах дийцар
13.03.2026 09:14
Терроризм яхача доккхача, бӏехача зулама духьала къовсам лоаттабарах дийцар Дола-Коарча культуран Цӏагӏа дешархошца дӏайихьача кхетаче.
«Алерой Шамхан вар кхетаче дӏахьош хиннар. Кхувш латтарашка дийцар цо терроризма массахана духьале лоаттае езилга, таханарча дийнахьа из эггара доккхагӏа дола зулам долга.
Интернета оагӏонашка гӏолла тийшаболх боаржаберашца цхьаккха тайпара бувзаме вала, цар яхар теркалде йиш йоацилга, моллагӏа тешаме ца хета хӏама зийча ӏаьдала болхлошка чехка хоам бе безилга белгалдир кхетаче», - дийцар «Сердалога» цу моттигера.
Дешархошта гойтар терроризма, экстремизма духьалара фильм. Из мел бӏеха, наьха вахар толхадеш зулам да бӏаргадайра къоначарна.
