«Халача хьалашка болча наха новкъостал дар лоархӀаме декхар да,-аьлар Келаматанаькъан Махьмуд-Ӏаьлас. - Вахара ганза балха лоархӀаме дакъа дӀалоацар да, могашал яйнарашта, цар дезала эшаш дола хьалаш лоаттадар».

Йовлой Зубейрас белгалдир, республике 5 402 вахархо ва могашал меттаоттаяра технически хьалаш эшаш, цу юкъе 1 780 саг ва могашал яйна. Ер шу дӀадоладелча денз, мах боацаш, 125 млн совгӀа сома протезашца новкъостал даьд.

Керттера терко лоаттаю СВО бӀухошта, цар дезалашта. Уж лаьрххӀа тӀаэцара бола болх вӀашагӀбеллаб, хӀара сага тӀачӀоагӀваьв говзанча, цо царна новкъостал ду, цар хьашташ кхоачашдеча. Вахар тохкаш, болх дӀахьу СВО доакъашхой дезалашца. Царна эшаш долча хьалашца Ӏалашо яра, моттигерча, «Даьхен лорбой» ганза отделене паччахьалкхен ганзаца бувзам лоаттабу.

«БӀухошта, цар дезалашта хьалхашка; ахчанца ювзаенна халонаш нийслу», - аьлар Келаматанаькъан Махьмуд-Ӏаьлас. - Къаьстта из бахьан долаш, Вахара ганзо лоаттадеш дола хьалаш керттера дакъа дӀалоацаш да, бӀухой меттел, цар дезал а хьаллоацача».

ГӀалгӀайчен Кулгалхочо баркал аьлар Вахара ганза кулгалхочун Йовлой Зубейранна, республикан бахархой вахар тоадара лаьрхӀа бола ший болх цо дика дӀахьош хиларах.