«Сердало» газета болхло дакъа лоацаш хилар ПСС республикан Хьалхалене
«Сердало» газета корреспондент Гаьгенаькъан Мартина дакъа лоацаш хилар Гӏалгӏай Республикан цӏерца къовсам лоаттабара спорта Хьалхалене, из хетаяь яр Россе МЧС 35 шу дизара.
Тха болхлочо Гаьгенаькъан Мартинас, иштта Гӏалгӏай Республикан дикача наьха Клуба болхлочо Субботина Екатеринас цига дакъа лаьцар, лоӏамхой болаш. Шоай цу балха тӏара профессиональни говзал еце а, уж хьежар ма хулла дукхагӏа баллаш яха.
Магас-Шахьара цӏерца къовсам лоаттабу 9 тоаба чуйоагӏаш (ПСЧ) Мартинас тӏехьайитар 100 метр йола халонаш, ӏомалуча гӏишлон лоаме тӏа яьнна.
Шоллагӏа яхь дӏахьош, цунца яхьеяьннар яр кикбоксинга дунен чемпионка, Пекине Дерригача дунен ловзарашка котъяьнна, халкъашта юкъерча класса спорта мастер Боканаькъан Фатима.
«Цу тайпарча яхьашка се дакъа лоацаш хьалха хиларах сона чӏоагӏа из дег чу дисар. Сона лов тайп-тайпарча спорта даькъ тӏа сайна фу карагӏдоал хьажа. Яхьебаьннараш а цига хила боагӏаш нах бар, хӏаьта турнир а дика чакхъяьлар, из вӏашагӏъелларашта баркал оал аз.
Къаьстта баркал ала лов тхоай тренера - цӏерца къовсам лоаттабеча Магас-Шахьара 9-ча даькъ тӏарча кулгалхочун Тӏонганаькъан Ибрахӏима, цо уж яхьаш дӏахьоча юкъе тхоаш хьаллацарах», - аьлар Гаьгенаькъан Мартинас.
