«ХӀара дийнахьа рейдаш дӀакхухь оаха бахархошца. Тха декхар - хин юхе лораде дезараш малагӀаш да наха хьалхадаккхар. Даьшка, ноаношка чӀоагӀа дехар ду оаха, боккъал а лораде, тӀахьожам бе шоай берашта, кхераме лоархӀача моттигашка лувчаш доахка бераш гу тхона массахана. Къаьстта хӀанз, берий салоӀа денош долча хана, бӀарг тӀера ма баккха царна, шоай мукъагӀа ма дита!» - белгалду МЧС.

СалаӀа арабувларашца массахана цу оагӀонцара болх дӀакхухьаш хьабоагӀа сиха оарцагӀа боагӀаш бола уж беркате нах. Бакъда, хӀаранена хет, шийца цхьаккха хатар хургдац, аьнна; иштта хетар харцахьа да, лораваларо доккхача вон кӀалхарвоаккх саг!