ОГИБДД болхлоша дакъа лаьцар даьй-ноаной гулламе
Новкъа лелара кхерамзлен Ерригача Россе кӏира дӏахьош, Сурхо тӏарча ГБОУ №5 йолча СОШ юкъарча гулламе ГИБДД болхлочо довзийтар берий даьшта Наьсарен кхален доазон тӏа авареш яра хьал, цо дийцар кхувшбоагӏараша новкъа лелара бокъонаш лораеш цахиларах, иштта карарча шера бераша, ондаргаша дакъа лоацаш нийсденнача наькъа-транспорта хатарех.
Инспектора белгала ма дарра, доккха дакъа дӏалоацаш да бераш аварешта юкъе нийслуш хилара хьал лаьгӏдара царца профилактикан болх дӏахьош хилар, уж кхы а зӏамагӏа болча хана денз бе безаш ба из болх, лоархӏаме да кхерамзлен бокъонаш царна йовзаш хилар. Цу юкъе берий дай а дика масала гойташ хила беза.
Ший къамаьл чакхдоалаш, инспектора тӏахьийхар берий дай, зӏамига пассажираш дӏа-юха бугаш кхерамзлено дӏадехараш юстара ца теттара.
