Тӏема оагӏонцарча декхарашта хетаяь кхетаче дӏайихьар Наьсарен кхале
13.03.2026 09:47
Бӏаьстан хана кагирхой амал де тӏабехарах, иштта контрактах декхараш кхоачашде ахарах дийцар Наьсарен кхален администраце дӏайихьача кхетаче. «Сердалога» из хоам бера цу моттигера.
«Кхетачен кулгал деш хиннар вар Наьсарен кхален администраце кулгалхочун декхараш кхоачашдеш вола Исмейланаькъан Темарлан. Юрташкарча администрацей кулгалхой, цар гӏончаш, иштта Наьсарера тӏема комиссариата болхлой бар цига гулбеннараш», - йоах тхога бенача хоамо.
Бӏаьстан хана кагирхой амал де тӏабехарах долча гӏулакхаца дувзаденнарех дийцар кхетаче, къаьстта терко йир контрактага гӏолла дола амал дара. Юртий администрацей кулгалхошта тӏадиллар, бахархошца цу оагӏонцара болх дӏахьо, аьнна.
