Курски областерча депутатаца, кхетаче дӀайихьар вай Парламента спикера
30.09.2024 13:16
ГӀалгӀайчен Парламента спикер волча ТӀумхой Мухьмада кхетаче дӀайихьар Курски областерча депутатаца Баев Геннадеца. Из хоам «Сердалога» бир Халкъа Гулламе.
«ГӀалгӀайчен паччахьалкхен 100 шу дизарца, бахархой даькъалабийцар депутата иразе, маьрша, аьттонца баха», - йоах хоамо.
Баев Геннаде белгалдир, таханарча дийнахьа Россе эскар Украинерча моастагӀашта духьала латташ, цар моттиг йохаеш долга. Республикан кулгалхошта доккха баркал аьлар цо, шоашта гӀо лоаттадарах. Халкъа Гуллама кулгалхочо хьоахадир, парламента депутаташ, бахархой Курскерча бахархоех дог лазаш, цар хьал дагадоаллаш, массахана новкъостал де кийча болга.
