Парламента кулгалхочун кхетаче хилар Афганистана ветераний Союза, СВО гӀалгӀай даькъа керте латтарашца
ГӏалгӀай мехка балхаца ювзаенна кхетаче дӀайихьар ГӏалгӀай Республикан Халкъа Гуллама кулгалхочо Тӏумхой Мухьмада, тӀемхой-афганций, иштта лаьрххӀача операце ветераний гӀалгӀай даькъа кулгалхошца МутаӀаланаькъан Гурсманаца, Къоастой Тарханаца.
Дувца оттадаь дош дар депутаташца бувзам лелабар, иштта кагирхошта тӀема-патриотически кхетам балара даькъерча гӀалгӀай филиало болх чӀоагӀбар.
«Тахан вай кагийнах кхыча республикай бӀухошта нийсса шоай Даьхе лораеш латт СВО. Къайле йолаш дац, царца цхьана латаш ба Афганистана тӀема ветеранаш а. Шун масалах царна гуш я тӀема говзал, паччахьалкхен декхар кхоачашдар», - аьлар Парламента кулгалхочо.
Цо белгалдир, кагирхошца юкъамоттиг хилар лоархӀаме долга, цо чӀоагӀбу Россе Герзашцарча низий Ӏадаташ довзийташ бола бувзам.
