Долакха-Юртарча спортсменашта дийцар экстремизма, терроризма зуламах
Долакха-Юртарча спортсменашта дийцар экстремизма, терроризма деш долча зуламех. Хьехамаш ду кхетаче дӏайихьар берий-ондаргий ишколе, терко тӏайохийташ ладийгӏар цига дакъа лоацаш хиннача бераша, иштта тайп-тайпара ханаш яьннараша, яхаш, дийцар «Сердало» газетага Долакха-Юртарча ДЮСШ тренера Гаркхой Шамала.
«Тема лоархӏаме хилар теркал а деш, хьаьшаша хоадам болаш дийцар экстремизма даькъах, цох хьахулаш долча зуламах, цхьацца долча бахьанех кагирхой цу юкъеболхаш хиларах. 60 ондарга кхетам луча дакъа лоацаш вар Россе ветераний союза кулгалхочун заместитель Утужанаькъан Мухьмад-Башир, Долакха-Юртарча ДЮСШ кулгалхо Кхоартой Микаил, цун гӏонча административно-боахама даькъ тӏара Геласханаькъан Тимур, иштта тӏема ветеран Тиймарзанаькъан Мухьмад», - аьлар тхоца къамаьл даьчо.
Белгалду, кхетаче йистейоалаш берий таро хилар шоаш ца кхеташ йола моттигаш тахка, хьаьшашка хаттараш дала.
