Инфекционни дарбанчера берий керда отделени йистейоалаш я
ГӏалгӀайчен кулгалхочо Келаматанаькъан Махьмуд-Ӏаьлас ший телеграм-каналага гӀолла хоам бир, инфекционни дарбанчен керда берий отделени хьалъяь йоалаш хиларах. Из гӀишло лаьрхӀа я 60 сага, хӀанз из 90% кийча я.
«Керда берий инфекционни отделени хьалъяр - из лоархӀаме гӀа ба лорий даькъ тӀа вайцигарча берашта гӀо дара», - аьлар Келаматанаькъан Махьмуд-Ӏаьлас.
«Из отделени вай республике тоъаш а яцар. Таханарча дено дӀадехаш дола хьалаш долаш, дарба дара таронаш йолаш из хиларах, зӀамигача унахошта кхерамзлен Ӏалашо е йиш хургья.
Берий инфекционни гӀишло хьалъяр чудоагӀаш да «Берий унахцӀено дегӀайоалаяр, цу юкъе лорий дарба дара хьалаш хьакхоллар» яхача мехка проекта, «УнахцӀено» яхача къаман проекта.
«Тхо тешаш да, керда отделени, ГӏалгӀай берашта лорий дарба дара йола лоархӀаме центр хургья», - аьлар республикан Кулгалхочо.
Белгалдаккха деза, ГӏалгӀайчен берий могашал дикка тоаергья из керда гӀишло хьаелларо, таханарча заман хьалаш чудолаш хиларо таро хулийтаргья могаш доаца бераш кӀезигагӀа хилийта, берий кхерамзлен Ӏалашо е.
«УнахцӀено» яха къаман проект кхоачашъяро таро хулийтаргья, ГӏалгӀайчен унахцӀенон даькъ тӀа инвестицей проекташ кхоачашъе.
