Лайчилла бетта Магасе хьалъяь яргья,йӀаьхъенна хинна ишкол
ГӏалгӀайчен кулгалхо Келаматанаькъан Махьмуд-Ӏаьла хьежар 704 моттига лаьрхӀа хьалъеш латтача ишколага. Из я Магаса парка доазон юххе. Дикка ха я из хьалъеш латта. Лайчилла бутт юкъекхоачаш йистеяргья из гӀишло,- аьлар мехка Кулгалхочунга.
Юкъерча дешара гӀишло хьалъяь яла йоалл. Тӏера балхаш доалаш латт, ловзара моттигаш кийчъяьй, электричество, кхыдола балхаш кастта хьадаь даргда.
«Дукхача шерашка наха сатийсадар керда дешара моттиг йистеяларга, цига бераш деша аха доладаларга, царна лерттӀа дешара моттиг хиларга сатувсаш бар уж 2021 шера. Гӏишлош хьалъеш гаьнаяьлча, бахархошта а цатоам боал», - аьлар Келаматанаькъан Махьмуд-Ӏаьлас, ше цу моттиге вахача хана.
ГӀалгӀай Республикан Кулгалхочун, Паччахьалкхен зарбан болх лелабераша хоам бир; мехка Кулгалхо цӀаькха а хьажа лаьрхӀа ва цу гӀишлонга лайчилла бутт юкъекхоачаш, аьнна.
Белгалду, парка даькъ тӀа из гӀишло хьалъе йолаяьй 2018 шера «Фусам, шахьара хьалаш» яхача къаман проектах, бакъда болх цкъа соцабаь Ӏийнабац.
