Контрактах амал дарах дийцар, Чуранаькъан Т. цӏерах йолча СКТЭК студенташта
Къилбаседа Кавказа доагора-энергетически колледжа студенташта дийцар котрактах амал де бахарах. Студенташта цар бокъонаш йовзийташ, цу оагӏонца дувзаденнараш мишта латт белгалдеш, моттиг яр из.
«Сердалога» из хоам бера Магӏалбика кхален администрацера. Кхетаче дакъа лоацаш вар Магӏалбика кхален администраце кулгалхочун гӏонча Мержой Исраил, колледжа кулгал ду Чуранаькъан Мустафа, тӏема комиссар Гӏоандалой Микаил. Бӏаьстан хана кагирхой эскаре тӏабехара гӏулакхах, иштта цу оагӏонца дувзаденнача керттердарех дийцар къонача тӏехьенга. Контрактага гӏолла амал де вахар мишта хила деза белгалдир цига.
Студенташкара мел хинна хаттараш доашхаш болх дӏабихьар кхетаче, хьалхадаьккхар сенгара дӏаволавала, малагӏа хӏамаш теркалде деза», - дийцар тха газетага.
Кхоана Даьхен гӏулакха ураоттаргбарашца цу мугӏарера кхетаченаш дӏахьош хилар лоархӏаме да тахан. Кагирхой Даьхенцара безам, лерхӏам чӏоагӏбара тӏехьа тӏема комиссариатаца бувзам лоаттабу колледжа кулгалхоша.
