«Кхоанен Ӏилма - къоначар Ӏилма» яхача яхьашка дакъа лоацаш я республикера студентка
«Кхоанен Ӏилма - къоначар Ӏилма» яхача яхьашка дакъа лоацаш я вай паччахьалкхен университета филологически факультете дешаш йола Албохчанаькъан Хадишат.
«Эрсий интернета доазонашка англицизмаш лохъеш бола болх вӀашагӀболлар: царна меттел эрсий дешаш юкъеувттадар» яхача ший проекте, цо дувц, интернета оагӀонашка сов дукха ингалсий дешаш даржарах.
«Яхьашта юкъеяхай Белоруссера, Казахстанера, Китаера, Конго оалача мехкара, Россера 350 проект. Ерригача Россе Ӏилман кхетачен юкъегӀоргдола балхаш хоржаш болх дӀабихьаб программан комитето. Аьттув болаш хилда Хадишата цунна юкъеяхар! ДӀахойодача хана а, иштта къахьега чам хилба цун», - дийцар «Сердалога» университета зарбан болх лелабераша.
ГӀалгӀай студенткас эрсий мотт лорабара тӀехьа кхеллача проектах; боккха пайда эцаргба тахан кхувш латтараша, кагирхоша.
