Вай мехкара студентка «Махар» яхача кагирхой кхетаче дакъа лоацаш я
Ӏаьленаькъан Ӏумара цӀерах йолча Черсий мехкарча паччахьалкхен университета студенташта лаьрхӀача «Махар-2025» яхача кагирхой кхетаче дакъа лоацаш хилар вай мехкахо Гаьгенаькъан Мартина.
«Цу лоархӀамеча Ишколе-семинаре шоай говзал лакхъеш вар 60 совгӀа саг. Тайп-тайпара оагӀонаш юкъелаьца яр программа. Тоабанцарча балхах долча Ӏомабаларашка дакъа лоацаш, моллагӀа дагадоаца хӀама эттача фу де деза, лоаман моттигашка лозаваьчоа эггара хьалхара гӀо дар Ӏомадеш хилар Мартина», - дийцар «Сердалога» бенача хоамо.
Кхетаче хьаеллаш, из гӀулакх вӀашагӀделлача Узденов Тавсолтанна вай къаман гӀала, хӀетта арадаьнна «Сердало» газет делар Мартинас. «Таукел» яхача Апарт-отела кулгал деча Байчаров Данисламаца Къилбаседа Кавказе туризм дикка йоаржаярах дийцар цига.
Тебердински къаман парка экологически туризмах болча оагӀон хьалха латтача Узденов ИбрахӀима дийцар сага Ӏалама моттигаш телхаеш даьча зенах. Ӏалама моттигаш лораяра тӀехьа кхоачашде дезарех дийцар къонабараша.
