Шолжерча ишкола СВО доакъашхочун - Россе Турпалхочун цӀи елар
10.12.2024 10:27
Шолжера №7 йола ишкол, ший тӀема новкъоста - воккхагӀа волча сержанта Сайгин А.С. вахар кӀалхардоаккхаш, ший са дӀаденнача Российски Федераце Турпалхочун Хьоашаланаькъан Адама Султана цӀи лелаеш хургья.
Цу ишкола из цӀи елар ГӀалгӀайчен кулгалхочо Келаматанаькъан Махьмуд-Ӏаьлас могадарах. БӀухо цига 11-тта шера деша ваьгӀав, из цо яьккхай 2013 шера.
Цул совгӀа, юкъарча дешара моттиге «Турпалхочун Парта» хьадийллад Хьоашаланаькъан Султана цӀерагӀа. Из лаьрххӀача кхетачене хьаделла бокъо елар бӀухочун даьна Хьоашаланаькъан Ӏалихана Адама, нанна Оздой Султана Розайна.
