1500 совгӏа саг ва, газ чуйиллар дехаш
Газ чуйиллар дехарий таьрахь 1500-га кхоачаш да тахан. 1300 моттигаца бартчӏоагӏо яьй карарча хана, хӏаьта царех 1145 дехарах бахархой доазон тӏа кхаччалца газ дӏатӏайихьай. Из хоам бу мехкадаь зарбан болх лелабераша.
Мехкадас Келаматанаькъан Махьмуд-ӏаьлас теркалдир, 200 дехар юстартетталга, цӏенош хила деза каьхаташ долаш цахиларах. «Бахархоша кхетаде деза из лоархӏаме гӏулакх долга.
Шоаш бахача цӏен гӏулакх каьхаташца чӏоагӏдаь, президентски программан доакъашхой хила», - белгалдир вай Мехкадас ший вахара оагӏонашка. Мехкахошта аьттув хургбараш да цу балха юкъедаьха.
Бахача моттиге газ дӏатӏаяхьар 145 денгара тахан 100 денга дӏатӏадигад, хӏаьта каьхаташ кийчдар а хьалха санна 60 ди дӏалоацаш доацаш, 30 дийнахьа чакхдоалаш да. Газ моттигашта дӏатӏакхахьара болх тахан вай мехка Россе юкъерча боарамал лакхагӏа латт - 87%.
«100%-га кхоачаш газацара болх тоабе, аьнна, Президента тӏадилла декхар кхоачашдеш доахк вай тахан, тӏатеӏӏа болх дӏахьош», - аьлар вай Мехкадас.
