ГӏалгӀай мехка кхо саг велар, машина герз деттарах
12.10.2024 11:57
Ардара бетта 11-ча денгара 12-ча денга кхоачаш, полице болхлой бола а боаца а нах чубагӀача машина герз дийттад. Цига веннав кхо саг, яхаш, дийцар «Сердало» газетага ГӏалгӀай Республикан Кулгалхочун зарбан болх лелабераша.
«Из зулам Ӏаьдала болхлошта духьала меттел, ерригача республикан хьал кегаде дагахьа даьд», - аьлар ГӀалгӀайчен кулгалхочо Келаматанаькъан Махьмуд-Ӏаьлас.
Республикерча бокъонаш лораяра болхлоша из зулам тахкара, бехке барашта доагӀаш дола таӀазар дара болх дӀахьош ба.
«Со тешаш ва, бокъо котъяргья, зуламхошта законо дӀадехаш дола таӀазар дергда», - аьлар мехка Кулгалхочо.
Республикан Кулгалхочо бейнарий дезалашка, из чӀоагӀа хала а хеташ, кодам бийцар.
