Кхаь сахьата совгӀа хилар ГӀалгӀай мехка Кулгалхочун «Нахацара къамаьл»
Кхаь сахьат совгӀа дӀехделар республикан Кулгалхочун «Нахацара къамаьл», бахархой хаттарашта жоп луш, къаман телевидене гӀолла передача дӀахьош.
Мехка Кулгалхочунга делар 355 хаттар, дехар, уж 10% дукхагӀа да дӀадахача шера хинначарел. Цу тайпара хоам бир ГӀалгӀайчен Кулгалхочун, Паччахьалкхен зарбан болх лелабераша. Цул совгӀа, телевидене колл-центре дера 167 хаттар, царех 34 эфире дийкар.
ДукхагӀа дола хаттараш дувзаденна дар ЖКХ даькъ тӀарча балхаца, дешарца, унахцӀенонца, наькъий хьалашца, иштта кхыдолча хаттарашца, масала, фусамаш, лаьтташ дувцаш. Иштта республикан Кулгалхочунга хаттараш кхаьчар СВО бӀухошкара, цар дезалашкара. ХӀара дехар кхоачашдар тӀадиллар Келаматанаькъан Махьмуд-Ӏаьлас, из доагӀаш болча хьакимашта, боахамашта, иштта шахьарий, кхалений, юртий кулгалхошта.
