Эзараш кӏай кӏарцхалаш дӏайогӏаргья, Гӏалгӏайчен машиний наькъашта уллув
Гӏалгӏай мехка ӏаьдало, цунна чудоагӏача доакъоша дӏахьош ба республика баьццаръерзаяра боккха болх, яхаш, дийцар ГӏР Кулгалхочун зарбан болх лелабераша.
Из беррига ӏалама хоза болх беш ба, республике экологе Шу хилара чудоагӏаш. Карарча шера машинаш лелача наькъа йистошка дӏаегӏай 12 эзар кӏайча кӏарцхала га.
«Таханарча денга кхоачаш 72 эзар тайп-тайпарча фух йола зӏамига гаьнаш дӏаегӏай, уж 4 эзар дукхагӏа я дӏадахача шера укх хана хинначул.
«Таханарча денга кхоачаш дӏаегӏа яьннай дукхагӏа йола гаьнаш, «Дагалоаттама беш» яхача болама чуйоагӏаш. Из болх дӏахо а дӏахьоргба»,- аьлар мехка кулгалхочо Келаматанаькъан Махьмуд-ӏаьлас, ше цу балха лоархӏамах дувцаш.
Ткъаь итт гектар чулоацаш дӏахьоргба доазув баьццардерзадеш бола болх. Хьалххе а говзанчаша мах оттабир доазон тӏа бе безача балха, наькъаца ягӏа гаьнаш новкъа а хургйоацаш, гонахьарча ӏалама хозалца уж дӏаувш хургйолаш. Кӏай кӏарцхал хержар цун дукха дика белгалонаш бахьан долаш, из дӏалатара тӏера я моллагӏча хьалашка.
