КӀоаргга уйла яйташ да, мехка сов дукха цӀераш ювлар
28.07.2025 11:45
Хийла, бахархой дӀа-хьа кхувлача автобусашка е гӀишлошка цӀи йоаеш долча гӀирсех бӀаргкхийтача, уйла чуйосс; Дала лорадолда вай, цӀаьхха, хатар хинна болх хуле, цунца фу де деза мича хов сона, аьле.
Ишколе хьийхар дицденнад, цун когаметта кхы хӀама а Ӏомадаьдац. ЦӀи йоаеш болча гӀирсаца болх бе цаховрех я тахан со. Ишттачарна МЧС болхлоша хьалхадоаккх: «ЦӀи йоаеш болча гӀирсаца болх бе харо хӀетта яьннача хана цӀи дӀайоае аьттув лу».
Иштта хатар нийсделча, де дезар фуд ховргдолаш, абат шаьрдеш санна, Ӏомаде деза цунца дувзаденнараш: пломба хьаяккха, чека араоза, ши метр хиллал цӀера из гӀирс дӀатӀахьо, шланг цӀера дӀатӀахьожаяь, ко ӀотӀатоӀаде.
