«Турпалхочун никъ» яхача программа доакъашхоша ГӏалгӀайчен Ӏаьдала болх дӀаболабергба
«Турпалхочун никъ» яхача кулгалдара болхлой кийчон программанна доакъашхой, ГӏалгӀайче шоай профессиональни болх дегӀабоалабе хьожаргба. ШозлагӀа цу тайпара кийчо яьчул тӀехьагӀа, ворхӀ доакъашхо дӀаболабеш ва республикан доал дара даькъ тӀара болх.
ӏомабалар дӀахьоргда мехк керттерча даькъ тӀа, цу юкъе Магас-Шахьар, Шолже, иштта цхьацца йолча министерствай администрацеш йолаш.
ГӏалгӀайчен Кулгалхочо Келаматанаькъан Махьмуд-Ӏаьлас тӀадиллача декхарах, хӀара болхлочун ший къаьстта дола декхар да, цо новкъостал дергда царна паччахьалкхен урхалленашка беш бола болх кӀоаргагӀа бовза.
«Тахан, Ӏаьдала органашка эшаш ба профессионалаш - атта доацача хьалашка болх бе ховш бола, шоашта бехктокхам тӀаэца кийча бола, хьалхашка латташ дола декхараш кхоачашдергдола нах.
Со тешаш ва, стажёраша шоай дикагӀа йола оагӀонаш юкъейоалаергья, аьнна; паччахьалкхен, доал дара даькъ тӀарча урхаллен балха», - аьлар республикан кулгалхочо.
Белгалду, болх шаьрбар дӀахьоргда ардара бутт чакхбаллалца, цул тӀехьагӀа дакъа лоацараш дӀатӏабаргба кхоалагӀча модульни даькъ тӀа.
