Кхерамзленца бувзабенна кийчон болх дӏабихьар Магӏалбике
Культуран оагӏонцарча моттигашка бувзабеннача кхерамзлен оагӏонцара кийчон болх дӏабихьар Магӏалбика кхале. Кхален культуран цӏа хьалхаэтта дӏахьош дар из гӏулакх.
Цу чу болх берашта хьалхадаьккхар, цӏаьхха эккхаш йола хӏама е кхыдола тешаме доацараш зийча фу де деза. «Кхетаче дакъа лоацаш хилар АТК оагӏон кулгалхо, МВД, Росгварде викалаш, иштта сиха оарацагӏъухаш бола лораш.
Кхетачен керттера декхар, цу моттига доазон тӏа моллагӏа кхераме хӏама нийсделча; корзагӏбаьнна, беха ца а хьувзаш; нах эггара хьалхарча оагӏонца сенгара дӏаболабала беза, фу де деза дӏахьокхар дар. Къаьстта йоккха терко йир хатара кӏалхарбоахаш нах арабахара, цу моттига гаьнабахара.
Иштта йола кхетаченаш дӏакхахьаро цу оагӏонцара наьха кхетам лакхбелга белгалдир гулбеннараша, цунга хьежжа, геттара лоархӏаме да моллагӏа кхерам тӏабеча де дезар бахархошта хьалхадаккхар», - дийцар «Сердалога» Магӏалбика кхален культуран Цӏагӏа. Дӏабихьача балхах шоашта боккха пайда хиннилга белгалдир цига къахьегача болхлоша.
