Масала, цхьан шера дийша ваьлар шахьара хинна мэр Йовлой Урусхан, мэра гIонча Мархенаькъан Милана, администраце архитектуран даькъа кулгалхо ЦIечой Басир, мэре соцдаькъа кулгалхо ГIуденаькъан Залина. Иштта диплом хьаийцар ГIалгIайчен туризмах йолча Комитета кулгалхочун декхараш кхоачашдеш волча Чуранаькъан Мухьмада. Дипломаш делар Москверча дикагIа болча моттигашта доал дарца белгалбаьннарашта.

«Цар дешар мах боацаш дар, ГIалгIайчера из цхьа тоаба мара йийха а яцар цига», - аьлар Наьсарен мэре зарбан болх лелабераша.

Дешара программан керттера дешаш дар: шахьарий туризм, экономика дегIайоалаяр.

Цига хьехаш хиннараш бар РФ ВЭБ викалаш, кулгалдара Сколковерча ишкола, РФ экономика дегIайоалаяра Министерствон, дунен тIа дика бовзаш бола вахара бувзамашта тIахьожам лоаттабу нах (модератораш), лектораш.

Бакъахьа хеташ, хьахержа хиннарех яр мехка 200 шахьар. Цу тайпара, доал деча наьха хIара тоаба, цу юкъе ГIалгIайче а йолаш, туристически оагIув дегIайоаляр, мехка туристаш дукхагIа хургболаш, гостиницашца ювзаенна бизнес дIаяхьар, балха моттигаш хьакхоллар, иштта кхы дуккхадар а мишта хила деза Iомадеш хилар цига.