ГӏалгӀай мехка газ чуйиллай 87%
ГӏалгӀайченна тӀехьара тӀа газ чуйиллара программа кхоачашъеш латт. Карарча шера газ чуйолча турбах дӏахеттай 2 эзар фусам, яхаш, дийцар ГӏалгӀай республикан Кулгалхочун, Паччахьалкхен зарбан болх лелабераша.
Таханарча денга кхоачаш ГӏалгӀайчен газ чуйиллара болх 87%-га кхоачаш ба, из мехка гӀолла долча хьалага диллача дикка лакхагӀа да юкъерча боарамал. Тӏеххьарча шин шера, МагӀалбика кхале чуяьхкай 62 газ чуйола турбаш, 102 км йӀаьха я уж. Шозлагӏа газ дӏахоттара хьал дезаш хилар 892 саг.
Шолжа кхалера хьал а иштта дика да: укхаза 59 км газа турбааш Ӏояьхкай. 92 моттиге редуктор оттаяьй, шозлагӏа дӀахеттар 950 саг. Уж балхаш дӀахьош яр «Наьсаре газ дӀа-юха хьожаеш йолча Газпрома» АО я.
«Кердадахар, иштта технически оагӀорахьара газа балха даькъ тӀара хьал тоадар, массайолча хана деш да. Программа лаьрхӀа я газацара болх тешаме а, унзара боацаш а хилийтара. Дисар дукха дац, паччахьалкхен Кулгалхочо хьалхашка оттадаь из декхар кхоачашдара», - аьлар республикан кулгалхочо Келаматанаькъан Махьмуд-Ӏаьлас.
