Гӏалгӏай мехка бераш довш хилар лохлуш доагӏа
17.09.2025 15:41
Гӏалгӏай мехка лохлуш доагӏа бераш довш хилар. 2025 шера хьалхарча ялх бетта из хилар 4,0 - из 0,2 лохагӏа да дӏадахача шера цу хана хинначул-4,2.
Гӏалгӏайчен Кулгалхочо Келаматанаькъан Махьмуд-ӏаьлас белгалдир, цу тайпара хьал хилара бахьан да лорий моттигаша шоай болх тоабеш хилар; цул совгӏа, дика кхоачашъеш хилар къаман а иштта паччахьалкхен а программаш.
«Цхьацца дола хаттараш нийса кхоачашдеш хиларах, юкъедаха таро хилар таханарча заман керда лорий хьалаш, иштта цар говзал лакхъе. Цу даькъ тӏара болх дӏахо а дӏахьоргба», - аьлар Мехкадас.
Керттердар, цо яхачох, Россе юкъарча боарамга кхачар, цунца нийслургья республика 3,9 яхача таьрахьага кхаьчача.
