ГӀалгӀай къаман
юкъара газет

УнахцIенон даькъе хувцамаш хургда

В 2023 году продолжится поставка медицинского оборудования в Ингушетию по национальному проекту «Здравоохранение»: планируется закупить 10 единиц диагностического оборудования в 4 учреждения. В совокупности в период с 2019 по 2022 гг. в республику в ходе его реализации поставлено 228 единиц новой техники. Об этом Главе РИ Махмуду-Али Калиматову сообщил министр здравоохранения республики Магомед-Башир Балаев, информировали газету «Сердало» в пресс-службе руководителя региона.

2019-ча шерагара 2022-ча шерага кхаччалца, вай дарбанчешка хьачуений эггара чIоагIагIа эшачарех йола 228 керда чоалх. Цох дийцар мехкадаьга Келаматанаькъан Махьмуд-Iаьлага унахцIенон министра Балайнаькъан Мухьмад-Башира. «Дегаи, пхьанаштеи хулаш дола лазараш гучадоахаш йола аппараташ оттаергья Наьсарерча, Шолжа-Шахьарерча, МагIалбикерча, цIи йоацара дарба деча дарбанчешка», — дийцар министра. Иштта цо хьоахадир, укх шера къаман проектага гIолла республике дIахьош, 230 млн сом дIалоацаш йола 7 вай мехка лаьрхIа программа я, аьнна. Эггара чIоагIагIа вай теркаме лаца дезараш да, цIийоацар яха лазар; дега, пхаьнашта хула лазараш; берий лазараш. Духхьашха деш дола гIо да лоархIамедар. Цунга хьежжа, фельдшерско-акушерски пункташ хьалъеш бола болх дIахьоргба.

«ЦIийоацар яхача лазарах могаш боацарашта лаьрхIа 2021-ча шера моттигерча диспансера лаьрхIа МРТ ийцай вай, 2022-ча шера ийцай КТ йоаккхаш йола аппарат, бронхоскопаш. Укх шера а дIахо дIахьош ба из болх. Операцеш ю моттигаш тоаеш а къахьегаргда оаха. Керда амбулатореш хьалъеш латт Сурхо тIа, Южне», — дийцар министра. Берий унахцIено тоаярах йолча проектага гIолла, 60 моттигах латташ йола керда дарбанче хьалъяь яргья укх шера. Иштта тоаяь яла йоаллаш я ТIой-Юртара дарбанче. ДIадахача шера, хала бола унахой вертолеташца кхычахьа дIабугаш моттигаш нийсъелар. Эшшача моттиге, дIахо а дIахьоргба из болх. Цу гIулакха лаьрхIа 5 млн совгIа ахча хьакъоастадаьд республиканна. 2021-ча шера вай ийцай дIа-хьа лелаш йола техника. Царна юкъе я флюрографаш, маммографаш.

Наха аттагIа хургдолаш, гаьнна ядача юрташка хIара бетта, ший аргIа оттаяь, дIа-хьа кхувларгья из. Министра дийцар, укх тIехьарча кхаь шера, «Земский лор» яхача программага гIолла вай мехкарча 160 сага ахча хьаийцад, аьнна. Йоккхача шахьарашка шоай балха говзал лакхъе вахийтар 4120 саг. Мехкадас белгалдир, дикка дарба де аьттув хургбола наькъаш леха дезилга. Геттара чIоагIа тIахьожам эшаш гIулакх да из таханарча дийнахьа. «УнахцIено» яхача къаман проектага гIолла дукха болх дIабахьа аьттув баьннаб. Керда дарбанчеш хьалъяьй, тишъеннараш тоаяьй, эшаш бола кхоачам Iалашбаьб. Дукха да хIанзчул тIехьагIа де дезар а.

Амбулатореш, ФАПаш гаьнарча юрташка хьалъеш бола болх, дикка тIахьожам беш, дIабахьа беза, хIана аьлча, могаш воацар эггара хьалха цу моттигашка вода.

УнахцIенон гIулакх тоалургдолаш, вайна эш лакха кхетам бола лораш. Къона, дуккха кердадараш Iомадаь говзанчаш хьаийбе беза. Республикан кулгалхоша тахан доккха гIо лоаттаду унахцIенча вахара, цунга хьежжа, хIара денна из моттиг тоаеш дIадаха деза вай», — белгалдир Мехкадас.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде