«Таханарча ден кердадараш» яхача журнала 1985-ча шера Нохч-ГӀалгӀай оалаш хиннача паччахьалкхен университете болх беш, мехкарча лоаман моттигашка багахбувцама экспедици дӀахьош, дӀаязйир Оздой Фируза. 1995-ча шера ГӀалгӀай паччахьалкхен университет хьайийллача 1995-ча шера денз 2010-ча шера ший вахара никъ хаддалца, гӀалгӀай метта кафедранна керте лаьттар из йоккха Ӏилманхо, хьинаре къахьегаш, ший болх бехктокхаме дӀахьош. Кинохроника юкъерча даькъо дагабохийтар цун къахьегамах бизза хинна вахара никъ, Ӏилман вахаре цо мел даьраш. Оздой Фирузас хьахьекхар, къахьегаш хиларца кхалсаг мел гаьнаяла йиш я, къаманна мел боккха пайда бе йиш я цо, ший дог лазарца. Магасера цхьа урам цу йоккхача Ӏилманхочун цӀи лелаеш ба. Вай университета гӀалгӀай меттах йола кафедра а цун цӀи лелаеш я. Дукха тохкама балхаш леладеш, лакхерча дешара моттигашта лаьрхӀа книжкаш арахецаш, монографеш оттадеш, 70 совгӀа Ӏилман балхий автор яр Фируза. Ший йоккха Ӏилман ганз студенташца екъаш, шийна тӀехьа доккхий дикаш дита дӀаяхар из. Цо воашта мел дитачун хам беш, цу беркатеча сага цӀи дегашка боча лелаеш, даха деза вай тахан!