Рамадана хетаяь сайре дӏайихьар Алхастерча культуран Цӏагӏа
Вай массане дегашта боча, лоархӏаме болча Рамадан бетта хетаяь кхетаче дӏахьош хилар Алхастерча культуран Цӏагӏа. Бахархой дог гӏоздоаккхаш моттиг хилар цох.
«Рамадан бутт кхабар, цунцара лерхӏам лорабар мишта хила деза, малагӏча гӏулакхех, оамалех адам юхаозадала деза дийцар Галай Мадинас, Цӏечой Иманас. Тахан латтар дегаш цӏендеш, лерхӏамаш тоадеш, вӏаший къахетам совбоаккхаш бутт болга белгалдир цар гулбеннарашта хьалхашка. Зале Къорӏа дешаш, динцара викторина дӏахьош, дог сомадоаккхаш кхетаче хилар цох.
Бераш а боккхийбараш а чӏоагӏа дега тоам хинна бар цига дакъа лацарах», - дийцар «Сердалога» цу моттигера. Культуран Цӏенна кулгал деча Боканаькъан Заретхана доккха баркал аьлар массанена, динцара, беркатеча ӏадатий хӏама хьаллацара тӏахьийхар. Хӏаранена мерза совгӏаташ дӏадекъаш, чакхъяьлар из беркате кхетаче.
