Шолжерча «Тамашийна мохк» яхача ДОУ кхетаче хилар анзорашца
Тов бетта 1-ча дийнахьа денз, Шолжерча «Тамашийна мохк» яхача №6 йолча ГБДОУ актови зале ярмарка дӀайихьар, цига безаме кхетаче хилар ДОУ берий а хьехархой а, ГӀалгӀай Республике гӀолла йолча Россе ФСБ анзорий урхаллен викалашца, яхаш, дийцар «Сердало» газетага цу урхаллен болхлоша.
«Из кхетаче хьалхара дӀахьош яцар, хьалхагӀа бераш дакъа лоацаш хиннадар «Коталон эстафета» яхача, Сийлахь-боккхача Даьймехка тӀема коталон 80 шу дизара хетаяь хиннача ГӀалгӀай Республикан Магас-Шахьара сийлен аллее. №6 йолча «Тамашийна мохк» яхача берий беша ухараш Анзора бийхар «Пограничника Ди» яхача цӀайна хетаяьча кхетачене дакъа лаца», - аьлар хоамо.
Цига берашта дукха совгӀаташ делар. Уж дегӀаахара дола истола тӀара ловзараш, бургацаш, кхувсалургаш, гӀозарч, кхы а дукха тайп-тайпара хӀамаш.
Шолжа шахьара №6 йолча «Тамашийна мохк» яхача ГБДОУ администраце, иштта хьехархоша дег чура баркал аьлар мохк лораберашца цу тайпара терко ярах, совгӀаташ даларах, берий беша ухарашца иштта хоза кхетаче дӀаяхьарах.
