Наьсарерча ДХШ «Наркотикашта «ак» яха классера сахьат хилар
«Наркотикашта «ак» яха классера сахьат дIахьош хилар, Наьсарерча берий исбахьален ишколе. Кхувш латтача тIехьенга наркотикаш яхар мел доккха, бIеха зулам да дийцар кхетаче.
«Наркотик яхача дохьажо сага могашал мишта толхаю, мел доккхача Iазапе оттаву из саг ше, цун гонахьа мел бараш, дийцар хьехархоша. Берашта хьалхадаьккхар, из бIеха гIулакх доаржаде, мерзде гIертача зуламхошка цхьаккха тайпара ладувгIа йиш йоацилга. МоллагIа тешам боаца хIама зийча, боккхийбарашка сиха хоам бе безилгах, аьлар. Берий хаттараш доашхаш, воча оамалех лоравалар сенгара хьадолалу дувцаш дIаяхар кхетаче», - хоам бу «Сердалога» берий исбахьален ишкола кулгалхо йолча Мержой Лидифас.
Наркотикашта духьалара шоай уйлаш йовзийташ, хьахьокха сурташ оттадаьдар бераша. Бера кулго диллача хIара сурто хьагойтар, наркотик яхача «дохьажо» сага иразга бода никъ хоадабелга, цун вахар, баьддерзадеш, толхаделга.
